Эрон Ислом Республикаси Ташқи ишлар вазири Ҳусайн Амир Абдуллоҳиён жаноблари Самарқанд шаҳрида бўлиб ўтган Афғонистонга қўшни давлатлар Ташқи ишлар вазирларининг тўртинчи йиғилиши доирасида Ўзбекистон Республикаси Ташқи ишлар вазири вазифасини бажарувчи Бахтиёр Саидов жаноблари билан учрашди. Томонлар ушбу учрашувда мамлакатларимиз ўртасидаги сиёсий, савдо-иқтисодий ва маданий-гуманитар алоқаларнинг ҳозирги аҳволи ва истиқболларини муҳокама қилдилар.