Эрон элчиси Ўзбекитон Рақамли технологиялар вазири билан икки мамлакатнинг технологиялар соҳасидаги ҳамкорлик алоқаларининг истиқболларини муҳокама қилди. Исно ахборот агентлигинининг маълумотларига кўра, Эрон Ислом Республикасининг Ўзбекистондаги элчиси Муҳаммадали Искандарий ушбу мамлакатнинг Рақамли технологиялар вазири Шерзод Шерматов билан учрашиб, мазкур соҳадаги ҳамкорликларни янада ривожлантириш учун амалий ечимлар ва ташаббусларни илгари суриш юзасидан музокаралар ўтказди. Мазкур учрашувда томонлар ахборот ва рақамли технологиялар соҳасидаги ҳамкорлик истиқболлари ва янги йўналишларини муҳокама қилишди, шунингдек, икки мамлакат компаниялари томонидан тажриба алмашиш, таълим ва қўшма лойиҳаларни амалга ошириши юзасидан илгари суриладиган амалий таклифларни қўллаб-қувватлаш лозимлигини таъкидлашди. Муҳаммадали Искандарий рақамли технологиялар соҳасидаги ҳамкорликларни ривожлантириш учун амалий ташаббусларни илгари суриш муҳим эканлигини айтиб ўтди. Шунингдек, томонлар мазкур ташаббуслар икки мамлакат ўртасидаги ҳамкорликларни бошланиши ва мустаҳкамланишига туртки бўлишини алоҳида таъкидлаб ўтдилар.