Ўзбекистон Республикаси Ташқи ишлар вазири Бахтиёр Саидов Эроннинг Бандар-Аббос шаҳридаги Шаҳид Ражоий номидаги портда юз берган портлаш оқибатида кўплаб инсонларнинг ҳалок бўлгани ва яралангани муносабати билан Эрон Ислом Респбликаси Ташқи ишлар вазири Сайид Аббос Ароқчига ҳамдардлик мактуби йўллади. Бахтиёр Саидов ушбу мактубда ҳалок бўлганларнинг оилаларига ҳамда Эрон ҳукумати ва халқига ҳамдардлик билдириб, жароҳатланганларнинг тезда тузалиб кетишини тилади.